Category Archive info

Nëntori i dytë- Kalaja e Bashtovës!

Kalaja e Bashtovës është një monument kulture që akoma nuk njihet mirë as në Shqipëri. Ndoshta nuk ka arritur akoma të tërheqë vëmendjen sa duhet.

Kalaja perveç hijeshisë së saj si një ndërtim i lashtë, ka të bukur edhe pozicionin ku ndodhet.

Gjendet midis Divjakës dhe Spillesë as më shumë se një kilometër nga bregdeti. Ndodhet në një fushë dhe brenda saj ka hapësirë për piknike dhe shfaqje të ndryshme që mund të zhvillohen.

Mbi të gjitha Kalaja e Bashtovës shfaqet edhe në filmin artistik Shqiptar “Nëntori i dytë. Pikërisht pak ditë na ndajnë nga dita e pavarësisë. I veçantë është fakti se filmi në fjalë tregon pikërisht kalimin e Ismail Qemalit nga kjo kala për të shkuar më pas në Vlorë.

Do të ishte bukur sikur këto monumente historike të kishin vëmendjen e duhur dhe të trajtoheshin me po aq respekt për të krijuar diçka duke u bazuar tek historia por njëkohësisht për njohjen e turizmit në këto monumente.

Natyra tërheq jo pak turistë anembanë botës, pse të mos i krijojmë dhe këtij monumenti kaq madhështorm, një naturë relaksuese përreth?!!

Një hap i mirë do ishte të mbilleshin pemë në rrugët që të shpien te kalaja. Imazhi në vijim është një shembull për hapin e duhur në vlerësimin e drejtë të Kalasë së Bashtovës. 

kalaja bashtoves nentori i dyte rruga

kalaja bashtoves nentori i dyte rruga

Duke e lidhur këtë rrugë të realizueshme me filmin e lartpërmendur do të ishte me vënd që rruga me pemë që do të realizohej, të quhej pikërisht rruga “Nëntori i dytë” për ta lidhur me historinë dhe për të bërë të mundur që kështjella të njihet në mbarë vendin por edhe kudo në botë, pasi janë të shumtë dhe turistët e huaj që kërkojnë më shumë informacione dhe ata që e kanë vizituar shprehen se do të donin që të kishin mundësinë të shihnin ndonjë shfaqje, spektakël në këtë kështjellë.

Duke u bazuar edhe tek titulli, do të ishte mirë, pse jo sikur të shfaqej pikërisht edhe në Kalanë e Bashtovës filmi “Nëntori i dytë” me rastin e ditës së pavarësisë!

“Piknik artistik te kalaja e Bashtovës” – event te kalaja

Duket se diçka po lëviz në drejtimin e duhur për ti dhënë kalasë së Bashtovës rëndësinë e merituar.

E kemi thënë edhe në këtë artikull(kliko ketu per ta lexuar),që do te ishte mirë që kjo kështjellë historike të përdorej për artin, historinë dhe popullin për evente të ndryshme që do të gjallëronin jetën, jo vetëm rurale por edhe në shkallë vendi.

Pasi evente te ndryshme në këtë vepër arti do ta gjallëronin jo pak turizmin.
Ja pra në vijim keni artikullin te publikuar nga AgjensiaTelegrafikeShqiptare për një event kulturor që titullohet “piknik artistik te kalaja e Bashtovës” fillon këtë të shtunë dhe do të zhvillohet pikërisht në kalanë e Bashtovës.

Urojmë që evente të tjera të mirfillta të vijojnë për të prodhuar Histori, duke konsumuar Histori!

“TIRANË,4 tetor /ATSH/ – Në kalanë veneciane, të vendosur në zonën e Rrogozhinës, do të mblidhen artistë të rrymave dhe me eksperienca të ndryshme muzikore për një performancë të përbashkët që do të jetë vërtet magjike.

”Piknik artistik të kalaja e Bashtovës” titullohet aktiviteti i cili organizohet nga Tulla – Culture Center me mbështetjen e Ministrisë së Kulturës dhe Bashkia e Rrogozhinës ku do marrin pjesë artistë si Petrit Çarkaxhiu,Dren Abazi,Mirgen Huba,Sokol Turdiu,Alban Nimani e shumë të tjerë për të sjell një atmosferë festive ku publiku nën shoqërinë e njëri -tjetrit do shijojë produktet e zonës në Kaping dhe çadra.

Qëllimi i aktivitetit është të promovojë këtë objekt pak të njohur të trashëgimisë tonë kulturore dhe hedhja e një hapi të parë për ta kthyer në një destinacion turistik nëpërmjet veprimtarive artistike dhe kulturore.

Pikniku fillon të shtunën me 6 Tetor dhe vazhdon deri të nesërmen në kalanë e Bashtovës./a.a/j.p/”

Piknik te Kalaja Bashtoves – 06-07/10/2018

Posted by Tulla – Culture Center on Thursday, September 27, 2018

Rruga e degraduar i ngadalëson zhvillimin e turizmit kalasë së Bashtovës

Turizmi drejt zonës ku ndodhet Kalaja e Bashtovës ka një potenzial të madh zhvillimi si kulturor artistik po aq dhe historik. Rruga në gjendje të rregullt dhe e mirëmbajtur do ti shtonte jo pak vizitorë këtij objkti historik ku pikërisht kjo kala është një prej veprave historike të nëntorit të dytë pasi ka qenë pjesë e kalimit rrugor nga Ismail Qemali në 1912 dhe është e treguar edhe në filmin “nëntori i dytë”. Përveç vlerës historike afër kështjellës(2 km prej saj), ndodhet dhe plazhi i Vilë-Bashtovës që edhe ky i fundit është një plus akoma për turizmin e kësaj zone…

Kjo rrugë pra nësë do të ishte e asfaltuar siç duhet dhe mirëmbajtur, do të ishte një sfungjer për turizmin për shumë fshatra përqark edhe nëse do të krijoheshin lidhje rrugesh do të bëhej zemra e turizmit në Shqipëri. Vetë zona ku ndodhet kjo Kala( mes Divjakës dhe Spillesë), po të ishte rruga e rregullt zhvillimi i turizimit do ta bënte Kalanë dhe plazhin një perlë të Shqipërisë.

The Castle of Bashtova – Unesco

Kalaja e Bashtovës është futur në listën e shqyrtimit për t’u pranuar në Unesco.
Kërkesa është bërë më 22 maj 2017 nga delegazioni Shqiptar për Unescon.

Koordinatat e kalasë së Bashtovës të dërguara në kërkesën e bërë janë: N41 02 48.09 E19 29 47.05
dhe numri i praktikës është:6259

Tani pritet shqyrtimi dhe marrja e vendimit.

Nëse doni ta konsultoni të plotë kërkesën në gjuhën angleze, klikoni këtu

Kalaja e Bashtovës – së shpejti qendër kulturore!

Një kala e cila i ka të gjitha çka duhet për tu bërë arenë e shfaqjeve kulturore dhe artistike që zhvillohen në vend. Trajta e saj katërkëndore me përmasa 60 x 90 mertra e bëjnë këtë monument kulture të përshtatshëm për shumë aktivitete kulturore, edhe të përmasave të mëdha. Duke përmendur eventin madhështor të miss Shqipëria në vitin 2012,  tregon se vendi dhe hijeshia për çdo shfaqje kulturore, nuk mungon.

Kalaja Bashtoves

Do të ishte vërtet bukur sikur këtu të organizohej “Maratona Popullore” , vënd ka, historia është vetë kalaja, dhe nuk luan nga vendi, mungojnë organizatorët e mirëfilltë për të bërë diçka me të vërtet kulturore.

Do të ishte bukur sikur të organizohej edhe një paradë filmash artistik Shqiptarë (historikë) ku mund të përfshihet edhe filmi “Nëntori i dytë me Ismail Qemalin, ku një pjesë e filmit është xhiruar pikërisht në këtë kala me aktorë të zgjedhur nga vendi ku kjo kala ndodhet.

Do të ishte bukur gjithashtu edhe festivali Folklorik të bëhej ndonjëherë këtu pasi kjo kala ndodhet në një zonë qëndrore të Shqipërisë ku do të ishte komode për shumë vizitorë dhe për tu përhapur më shumë kjo traditë e këngës dhe muzikës.

kalaja bashtoves

Urojmë që së shpejti kalaja e Bashtovës të hyjë në Unesco dhe të bëhet një qendër e mirfilltë kulturore ku të ketë një larmi spektaklesh dhe eventesh siç i ka hije një vepre historike, në mënyrë që të riprodhojë akoma të tjera vepra historike që të trashëgohen në breza.

Një gjë e tillë do të krijonte turizëm historik(me vendin dhe për vendin), turizëm bashkohor(me shfaqjet dhe aktivitetet) dhe ekonomi për të gjithë zonat  përqark dhe jo vetëm dukë vënë në funksion një mekanizëm social që do ti shërbente të gjithëve. E thënë më ndryshe punë-qef-para

Shqipëria ka shumë vende të bukura që meritojnë të jenë në qendër të vëmendjes. Kalaja e Bashtovës është një prej tyre!